जन्मलो गर्दीत आपण

जन्मलो गर्दीत आपण माणसांमध्ये जनावरांमध्ये

बांधली जंगले आपण माणसांमध्ये जनावरांमध्ये

वस्ती जराशी दाट झाली वाढली हो घरांवर घरे

आभाळ ही घेशील सामावून रे तुझ्या घरांमध्ये

चोहीकडे पाहतोस काय ! काय आहे त्या तिथे

मोकळ्या जागेची हौस सोडून दे  तू मनामध्ये

हे बरे जाहले आता राहिली ना मोकळी जागा

उंच ईमारती ही दिसतील डोलताना शेतांमध्ये

उच्च शिक्षित समाजाने बंद केले कधीच दरवाजे

काय देणे काय घेणे राहू मजेमधे अन पैशांमध्ये

सोडून चालली पाखरे ह्या देशास ठेवून नावे

थांबवू कोणा कोणास इथे सारेच रस्त्यांमध्ये

सचिन कृष्णा तळे