दारुड्याची भूक उपाशी

थोडी देशी थोडी विदेशी, दारुड्याची भूक उपाशी
थोडी गुंगशी थोडी वीकशी, घरातली भांडीकुंडी

घरातली भांडीकुंडी  , संसाराची तीच रे तिजोरी
दारूसाठी पार्टीसाठी , घरादाराची राखरांगोळी

घरादाराची राखरांगोळी, कोणास हवी हि दिवाळी
मुलांबाळांसोबत खावी , घरातली ती चटणी भाकरी

घरातली ती चटणी भाकरी, सुखाची अन आनंदाची
दारूपायी उध्वस्त झाली, लाखो घरांची तरुणाई

लाखो घरांची तरुणाई, ती पालकांची खरी कमाई
डोळयांदेखत घेऊन जाते, दारू म्हणजे यमाची स्वारी

दारू म्हणजे यमाची स्वारी, हवी कश्याला हि पायरी
जगण्याचा आनंद मोठा, दारुविना होऊ दे साजरी

दारुविना होऊ दे साजरी, मनाची कर हि तयारी
तुझ्या ह्या वाटेवर मित्रा, नकोच दारुड्यांची मैत्री

नकोच दारुड्यांची मैत्री, नकोच ती नशेची धुंदी
थोडी देशी थोडी विदेशी, दारुड्याची भूक उपाशी

- सचिन कृष्णा तळे , पुणे
७७०९०९९६४६

तो

घरच्या सिमा घरच्यांसाठी
देशाच्या सिमा देशासाठी
जो नसतोच बंधनात या
तो जगतो कोणासाठी ?

भगव्या हिरव्या निळ्या
हर रंगात त्याची लीला
ज्याचा रंगच कळला नाही
तो रंगतो कोणासाठी ?

उत्सव जल्लोष त्याचा
दंगलीत अपमान त्याचा
जो सोसतो सर्व काही
तो रमतो कोणासाठी ?

प्रकाश वारा पाणी
चार दिशांची गाणी
हर ग्रंथात ज्याची कहाणी
तो दिसतो कोणासाठी ?

- सचिन कृष्णा तळे , पुणे
७७०९०९६४६