काय सांगू व्यथा कलयुगात विठ्ठला
बुडाला तूझा धर्म कलयुगात विठ्ठला

राबणारा शेतकरी आज मांगे जिवदान
संत सावता माळी कर्ज फेडित विठ्ठला

झोपडी साठी नाही जागा रिकामी
ऊंच ईमारती लय म्हागात विठ्ठला

मंदिर मस्जिद विहार चर्च गुरूद्वारा
राहू नकोस तू खोट्या जगात विठ्ठला

ऊन वारा पावसात चाले तूझी दिंडी
कोण खरा खोटा ह्या वारीत विठ्ठला

जातीपातीचे सांडपाणी वाहे समाजात
भीमा तूझ्यासाठी आजून दारात विठ्ठला

सीमेवर शहिदांच्या रक्ताचा अभिषेक
कौरव चारी बाजूनी भारतात विठ्ठला

सचिन कृष्णा तळे
पुणे
7709099646

"विठ्ठला", वाचा प्रतिलिपि वर :
http://marathi.pratilipi.com/sachin-tale/vitthala?utm_source=android&utm_campaign=content_share

ज्ञानीयाचा राजा

स्मरावे गणेश
वाहवे शब्द ;
प्रेमेरूपी संत
आठवूनी

काय तो विठ्ठल
काय तो रंग ;
रंगवावे रंग
भक्तीरंगात

विठ्ठल पंत
आत्मारूपी;
जिवंत राही
लेकरांती

मराठीच्या नगरी
भाषा थोर ;
ज्ञानीयाचा मोर
नाचे अगंणी

माऊलीचा पदर
मुक्ताईचा ;
बाळ रांगला
हरीनामे

सोपान बंधू
गुरू निवृत्ती ;
अलंकापुरी
थोर ठरे

चालली भिंत
चांगदेवा भेटी;
चमत्कार नाही
साधा खेळ

एक महादेव
दूजा पांडूरंग;
साक्षीस
ह्या भूमंडळी

अशी ज्ञानेश्वरी
संजीवन ;
माणसास मिळाली
अमृतामयी

तूळस राहावी
फुलावी पानोपानी;
हरीनामे सदा
 सुगंधीत

आळंदी ची
धरावी वाट ;
तिथे राही
ज्ञानीयाचा राज

सचिन तळे

http://marathi.pratilipi.com/sachin-tale/dnyaniyacha-raja?utm_source=android&utm_campaign=content_share

चांदण्याचा राजा

चांदण्यांचा राजा साधा भोळा चांदोबा माझा

निळ्या आभाळी महाल त्याचे
लूकलूकणारे सैन्य निराळे
आकातला लाडका सितारा
तो चांदोबा माझा....

चांदण्यांचा राजा साधा भोळा चांदोबा माझा

दैवी लिला त्याची निराळी
बदले रूप शिव कपाळी
सृष्टीचा जो लाडका
तो चांदोबा माझा ...

चांदण्यांचा राजा साधा भोळा चांदोबा माझा

प्रेम, एकांत, संध्या, रात्र
विरहाचा सोबती तोच मात्र
दोस्तीचा खरा दोस्त
तो चांदोबा माझा ...

चांदण्यांचा राजा साधा भोळा चांदोबा माझा

लहानाचा अन थोराचां तो
जगभर त्याचे गोड गाणे
आठवणीचा खजीना
तो चांदोबा माझा ...

चांदण्यांचा राजा साधा भोळा चांदोबा माझा

सचिन कृष्णा तळे
7709099646
sachintale777@gmail.com