तेव्हा तिच्या ओठांवर नाव होते माझे
हृदयात तिच्या सुंदर गाव होते माझे

फुला पानांची ती बाग होती प्रेमाची
ऋतू ते स्पर्शाचे आगाव होते माझे

सचिन तळे

रात्र ही वेडावली

रात्र ही वेडावली

चल चांदणे वेचू जरासे, रात्र ही वेडावली

दिवस हे प्रेमाचे सखे, मिठीत थोडी शहारली

सांग ना काय घडले ,काय घडले त्या रात्रीला

दोघांच्या मुक्या शब्दात ,वेळ होती गाराटली

कालचे रंग अजुनी, अजुनी आहे वस्ती फुलांची

दे पुन्हा तीच रात्र , तुझ्या माझ्या विश्वातली

चेहरा झाकू नकोस, लाजु नकोस जीवघेणे

तुझ्यासाठी रात्र माझी, जागली अन थांबली

वादळ अचानक कोणते हे अंगभर धावले

होता किनारा तुझा अन नाव माझी विसावली 

सचिन कृष्णा तळे 

माणुसकी मारली त्याने

दगडावर कोरली त्याने
जगताना चोरली त्याने

आभाळाच्या कुशीतून
मातित पेरली त्याने

ते ग्रंथ नव्हे
ते ज्ञान नव्हे
ते विज्ञान नव्हे
ती कविताच होती
चमत्कार सांगणारी
स्वार्थाची बाजारी होती
महापुरुषांची बदनामी होती
होती विश्वाची ती गंमत
होती मोठमोठाले ईमारती
त्यात सडली घडली डोके
त्या जाती धर्मामध्ये
त्या अनेक रंगामध्ये
त्या अनेक भाषांमध्ये
त्या माणसांच्या गर्दीमध्ये
माणुसकी मारली त्याने
आरे ..
त्या माणसांच्या गर्दीमध्ये
माणुसकी मारली त्याने

सचिन कृष्णा तळे
पुणे

दादा हजर हाय गावा गावात

दादा हजर हाय गावा गावात

डोक्यावर टोपी अन हाप चड्डी
छबी ही आमच्या मना मनात ..२

गंगू जरा थांब ना ग आता
दादा हजर हाय गावा गावात ...२

गावटी जत्रा भरवली तुम्ही
ईश्काचा बाजार राना वनात
सोळा वा सोडा साठीचा ही
नाचतोय खुशाल घरा घरात
भोर गावचा त्या नायगावचा
ह्या बँड वाल्या दादाची...
सोगंड्या गाजतोय देशा देशात

गंगू जरा थांब ना ग आता
दादा हजर हाय गावा गावात ...२

आंधळा मारतोय डोळा
गंगाराम चा राम राम घ्या
पांडू हवालदार येईल
बोट लावील तीथे गुदगुल्या
तुमचं आमच जमतय..बघा
दादांच्या नावे मुका घ्या मुका
ह्योच नवरा पाहीजे आता
सदाशिवचा जीव एकटा

गंगू जरा थांब ना ग आता
दादा हजर हाय गावा गावात

दाजीबा जरा लाज धरा
तुम्हा ईन नाही कोणी जगा जगात
लैच्या लैय गाजून नाचून गेले
दादा शिवा कोण हाय वाड्या वाड्यात

गंगू जरा थांब ना ग आता
दादा हजर हाय गावा गावात

चंदेरी दुनियेचा हा सितारा
उगवला महाराष्ट्राच्या माती मातीत
येड तुमच्या अभिनयाचा
तुमच्या कलागुणांचा
मोठ्या साहेबांनी घेतला क्षणो क्षणी
भाषाचा अर्थ  लावू नका
फूकट वेळ तूम्ही आता घालवू नका
दादा च नेता थोर अभिनेता
दादांची गीते वाजतायत गल्लो गल्लीत

गंगू जरा थांब ना ग आता
दादा हजर हाय गावा गावात ...२

मराठमोळ्या साधा भोळ्या दादांची
छबी ही आमच्या मना मनात
गंगू जरा थांब ना ग आता
दादा हजर हाय गावा गावात

- सचिन तळे

धर्मांतर चालू आहे राष्ट्रांतर चालू आहे
देशात आपल्या, हे निरंतर चालू आहे

ज्याची त्याची ईच्छा ज्याची त्याची मनमानी
हेच सांगा, का हे मरणांनंतर चालू आहे

सचिन तळे 

सकाळ - नागरिकांसाठी भुयारी मार्ग धोक्याचा

पहाट मीडिया - मन हे गवताळी

घोरपडे घाट - सकाळ - ४/१२/२०१७

विश्ववक्ता विश्वनेता विश्वरत्न तू ..
बहूजनाचा विश्वासू विश्वनायक तू ..

अनंता तू भारता तू अभ्यासक तू ..
भारतरत्न तेजप्रताप तेजवंत तू ..

सत्य तू संघर्ष तू चळवळ ही तू ..
मानवतेचा न्यायकर्ता उध्दारक तू ..

#सचिन_तळे

जोगव्याचा पुजारी