त्या जेजुरी गडावर

खंडेरायाच्या रूपावर
बानू म्हाळसा भाळल्या सदानंदावर रं..
माझ्या मल्हारी देवावर ...
त्या जेजूरी गडावर ...रं...

सोण्याची नगरी लाखभर पायरी
त्या कड्यापटारी नांदे शिवहरी
त्यान थाटलाय कैलास तिथ रं..
भोळ्या सांबचा पहावा संसारं..
त्या जेजूरी गडावर
बानू म्हाळसा भाळल्या सदानंदावर रं...

येळकोट येळकोट चारी दिशांनी
पिवळा भंडारा भक्तजण उधळी
हाकेला धाव घे मल्हारी रं...
वाघ्या मुरळीचा गोंधळ जागरं..
त्या जेजूरी गडावर
बानू म्हाळसा भाळल्या सदानंदावर रं..

सोमवती ची ती जत्रा लयभारी
पालखीत विराजे मल्हार स्वारी
सोबतीस विष्णू प्रधाण रं...
मालक हा आहे मोठा आधारं ...
त्या जेजूरी गडावर
बानू म्हाळसा भाळल्या सदानंदावर रं ...

सचिन कृष्णा तळे
७७०९०९९६४६
पुणे.