पावसाळी रात्र ही...

पावसाळी रात्र ही...

पावसाळी रात्र ही, चंद्र ही भिजला होता !
मिठीत प्रेमाने तो, एकदा निजला होता !

लाज माझी वेडी, ओठांवरुनी बावरली
मी ही सजली होती, तो ही सजला होता !

मधुचंद्राच्या आंगणीं, त्या मदनच्या द्वारी
दोघासांठी रिकामा, एक मजला होता !

स्पर्शाची जादू होती, मी माझ्यात नव्हती
खेळ हा निसर्गाचा, कोणी रचला होता  !

टाळता आले ना काही, होकार दोघांचाही
मी ही रमली होती, तो ही रमला होता !

नेमके होतो कुठे, दोघांस ठाऊक नव्हते
जरा हारली मी, जरा तो जिंकला होता !

सचिन कृष्णा तळे
पुणे
७७०९०९९६४६