विठ्ठलाच्या सोबतीने

विठ्ठलाच्या सोबतीने

विठ्ठलाच्या सोबतीने रुक्मीणी सुंदर दिसते
राधेच्या प्रेमाची ती प्रेम कहाणी सुंदर दिसते

द्वारकेला सांगा कृष्ण हरवला माझ्या गावी
गावात चंद्रभागेचें वाहते पाणी सुंदर दिसते

विठू एकटा नाही सोबत संतांचा हा पसारा
वाळवंटी बहुजनांची अभंगवाणी सुंदर दिसते

एकादशी ला जत्रा भरते ..  पंढरीच्या द्वारी
भक्तांची त्या देवाशी बांधणी सुंदर दिसते

तीर्थ पुंडलिकाचे कळस तुका ज्ञाना झाला
वैष्णवांच्या खेळाची ही मांडणी सुंदर दिसते

किती नामघोष किती पताका केशरी डोले
पायरीस स्पर्श होता जीवन गाणी सुंदर दिसते

सचिन कृष्णा तळे 
पुणे
७७०९०९९६४६