हा स्पर्श तुझा ...

हा स्पर्श तुझा ...

हा स्पर्श तुझा सांगून जातो काही
बिलगून अंगाशी फुलवून जातो काही

ही हवा प्रेमाची, ही नशा प्रीतीची
बोलके नाते एक, जुळवून जातो काही
 
हा स्पर्श तुझा ..

जणू पावसाची धारा, अन धुंद वारा
हरवून मला, तुझ्यात रंगवून जातो काही

देई भास आस पास, तुझीच प्यास
अधीर ह्या मनास, फसवून जातो काही

हा स्पर्श तुझा ...

त्या तारुण्याची , देई विश्वासाची ग्वाही
जणू रेशीम गाठी , बांधून जातो काही

त्या शब्दांची, आपल्या त्या वचनांची
अंतरे संगीतातून, मिसळून जातो काही

हा स्पर्श तुझा ...

आठवावे अन साठवावे काळजात
विरहात एकांतात, रडवून जातो काही

हा स्पर्श तुझा सांगून जातो काही
बिलगून अंगाशी ,फुलवून जातो काही


सचिन कृष्णा तळे