काय हवे त्या पावसाला

चहू दिशांना आकाशातल्या त्या ढगांना
सांगा काय हवे, काय हवे त्या पावसाला

ऋतू कोवळे की ते रानमाळ मोकळे
का हिरव्या रानात, शब्दांचे सोहळे
इंद्रधनूच्या रंगांना त्या श्रावणी गंधांना
सांगा काय हवे, काय हवे त्या पावसाला

वीज झळके कि थरथरे अंग ऋतूचे
का बंदिस्त व्हावे घरट्याचे दार सारे
बळीराजाच्या मातीला त्या गावाच्या वेशीला
सांगा काय हवे, काय हवे त्या पावसाला

रंग चोरटे कि भिजलेले ते मुखवटे
का धुक्याच्या आड सांडलेले दुखवटे
मानवी खेळांना त्या धुंद लहरींना
सांगा काय हवे, काय हवे त्या पावसाला

 सचिन कृष्णा तळे