DNA झी न्युज - सुधीर चौधरी
मी सहसा बातम्या पाहणं आता सोडून दिलंय. त्याच मुख्यं कारण म्हणजे अभ्यास पूर्वक माहिती कमी आणि व्यर्थ बडबड जास्त पाहण्यास मिळते. पण जर कधी वेळ मिळाला तर झी न्युज वरील सुधीर चौधरी ह्यांचा DNA हा सदर नक्की पाहतो. समोरच्या व्यक्तीला आपल्याला काय सांगायचंय ते अचूक जाणून उदहारण सहित माहितीच्या आधारावर सध्या घडणाऱ्या घटनांवर हा माणूस आपल्याशी सवांद साधत असतो. त्यात कुठेही मला त्याचा स्वार्थ पणा जाणवला नाही. त्याचे विषय हि सुंदर असतात.
काल त्यांनी DNA मध्ये "नायक " ह्या विषयवार खूप सुंदर असं विश्लेषण केलं. तो जर तुम्हाला मिळाला तर नक्की ऐका आणि पहा.
"नायक" आपण आपल्या जीवनात चित्रपट विश्वातल्या कलाकारांना खूप महत्वाचं स्थान देतो त्यांना भुलतो त्यांच्यावर अफाट प्रेम करताे त्यांच्यासाठी जीव हि देण्यास तयार रहताे. त्यांच्या त्याच भूमिकेवर त्यांना आपण आपला नायक बनवतो. त्यांना follow करतो. भारतात तर काही अभिनेते ह्यांना अगदी देवासमान स्थान आहे ( अमिताभ बच्चन, रजनीकांत, खान इ.). पण पडद्यावर पैशे घेऊन लेखकाच्या शब्दावर कला फक्त कलाच सादर करणारा अभिनेता त्याच्या मूळ स्वभावात अगदी तसाच आहे का हाे? त्यांचे विश्व नक्की तसेच आहे का?
आपण ह्या कलाकार मंडळींना जितकं डोक्यावर घेतो त्यांच्या एका झलक साठी तडफतो . त्यांच्या मागे मागे त्यांना follow करतो. अगदी त्याच वेडात आपण आपल्या आसपास असणाऱ्या काही चांगल्या माणसांना कर्तृत्वान पुरुषांना आपला नायक का नाही बनवत ? अमली पदार्थ च्या सेवन तर कधी माेठ माेठ्या पार्ट्या तर कधी गुन्हेगारी विश्वात त्यांचे संबंध वरून आपले नायक सदैव चर्चेत असतात. अनेकांवर गुन्हे देखील दाखल आहेत. असाे...!!
अगदी ह्याच विषयाला धरून सुधरी चौधरी ह्यांनी काल काही छान उदाहरण दिले. थोडक्यात सांगायचं तर तुमच्या जीवनात तुम्हाला आदर्श हवा असले तुम्हाला नायक हवा असेल तर आपल्या सीमेवरील सैनिकाना तो स्थान द्या ... आपल्या आसपास चांगल्या समाजसुधारकांना , चांगल्या शिक्षकांना , चांगल्या डॉक्टरांना , चांगल्या लेखकाला , चांगल्या वकील , पोलीस आणि चांगल्या अधिकारी वर्गाना तो मानपान द्या. वेळ मिळाला कि त्यांच्या कार्याचे कौतुक करा त्यांना नायक म्हणा. त्यांच्या सोबत सेल्फी काढून त्याचे चांगले विचार चांगले कार्य इतर लोकांपर्यंत पोहचवा. कारण हि माणसे स्वच्छ मानाने कष्टाने समाजात काम करत असतात. ज्यावेळी तुम्ही ह्यांना फॉलो कराल त्यावेळी तूम्ही स्वतः तुमच्यात एक बदल जाणवलेला दिसेल आणि हा बदल तुम्हाला तुमच्या फायद्याचा ठरेल.
फिल्मी दुनियेचे वेड असावं एक मनोरंजन म्हणून पण इतकं हि नसावं कि त्याला आपण आपला आदर्श बनवू....ज्यांना ह्या फिल्मी दुनियेत करियर घडवायचय त्यांनी नक्कीच त्यांच्याकडून त्यांची कला घ्यावी!!
असे ही नाही कि ह्या फिल्मी दुनियेत चांगले माणसे नाहीत. उदा सांगायच तर नाना पाटेकर आणि मकरंद अनासपुरे सारखे लाेक आहेत ज्यांच्या समाजकार्याची दखल घेत त्यांना आपण आपला नायक आपला आदर्श बनवू शकताे.
सचिन कृष्णा तळे
#आहेतेआहे
