अध्यक्ष्यांची खुर्ची

अध्यक्ष्यांची खुर्ची ,नरम की गरम
सत्तेसाठी काय, चरण की करम

पुस्तकी बाजार ,साहितीकांचा हिशोब
संमेलन म्हणजे ,भरण की धरम

चार पुस्तके ,जरा वाचून झाले
काय लिहिले , धापून की मापून

प्रसिद्धी कशी ,लोळेल पायापाशी
राहू मी कशी , चाखून की राखून

कार्यकर्ते आले , कार्य करून गेले
पाहावे कसे , दुरून की चोरून

भेटीगाटी सुरु , ओळखीचे विसरू
मानाचे पाखरू , जपून की पाहून

शेवटी पुरस्कार , आणिक टीकाकार
मानावे उपकार , देवून की घेवून

रसिक मायबाप , पाहून व्याप
करतील न्याय , लिहून की वाचून 

सचिन कृष्णा तळे ( पुणे )