सारस्वतांचा गोंधळ

" विक्या … संमेलन लैच्या लैचं … राजकारणी झालं रं "

" साहित्यिक , लेखक , नामवंत कवी आणिक कथाकार कमी दिसले व राजकीय रुसवा फुगवी जास्त दिसली "

" हो रे , दाद्या … "

" सर्व काही सबनीसांचा आशीर्वाद … "

"  सबनीस अध्यक्ष झाले आन वादाला तोंडच फुटलं "

" पण .. यंदाच्या साहित्य संमेलनाला काळ फासलं … अध्यक्षांनी "

" ते  कसं रे …. दाद्या "

"पुण्यातून  प्रकाशित होणाऱ्या ' साहित्य चपराक ' चे अंक जप्त केले गेले "

" बाबो … पण का रे दाद्या "

" आरे त्यांनी सबनीसांचा खरा मुखवटा जनतेसमोर आणला म्हणून "

" हो का … "

" म्हणून पवार साहेबांनी … निवडणूक प्रक्रिया बदली पाहिजे आस सांगितलं . "

" म्हंजी साहेबानाही माहित होत , की समेलन अध्यक्ष निवड ही चुकली करून … "

" विक्या … संमेलन अध्यक्ष नि २०० पाणी पुस्तकी भाषण लिहिलं होत …"

" म्हणून लय लोकांनी अध्यक्ष भाषण च्या वेळी निघून गेले , आपल्या मुख्यमंत्री नी ही कल्टी हाणली . "

" दाद्या … आता अध्यक्ष दोनशे पाणी भाषण वाचणार म्हणजे किती टाईमं लागेल रे … व्यतागतील की लोकं "

" हा हा हा … "

" विक्या पण मला एक सांग … तू संमेलनात गेल्ता ना … कविता सादर करायला "

" हो रे … गेल्तो की दाद्या "

" आरे मग तिथे , मराठीत कविता किवा गझल सादर झाली नाही का "

" झाली की … बरेच कवी आलते … छान झाला कार्यक्रम "

" आरे विक्या … त्या मिडिया वाल्यांनी ते दाखवलंच नाही रे "

" फक्त आणि फक्त गुलजार एके गुलजार चाच पाढा दाखवलं … "

" जाऊ दे ना … दाद्या "

" ह्या मिडिया वाल्यांना … मराठीचं कधी कौतुक होत कां … आणि ह्यांच्या कडून अपेक्षा तरी का ठेवावी "

"ते खर हाय रं … आता मोठ्या साहेबांच्या सैनिकांनी ही संमेलनाला पाठ फिरवली म्हणे "

" हो रे विक्या … उद्धव साहेबाना आमत्रण पत्रिका मिळाली नाही म्हणून सर्व शिव सैनिक रागावलेत "

" कमळाबाई तर आधीच रागात होती "

"त्यात आपल्या आशा ताई ही … संमेलनात जावून फसल्या "

"त्यांना संमेलनाची चातुराई कळताच … कार्यक्रम मधेच थांबवला . "

"दाद्या … म्हंजी लैच गोंधळ की … "

" साहित्य संमेलन म्हणजे …. सरस्वतीचा हा गोंधळचं की … विक्या … अध्यक्ष स्थानी दैत्य बसले तर गोंधळ हा होणारच की "

" त्यात…  टोले बाजी चांगलीच झाली … "

" पण काहीही म्हण विक्या … आपल्या मराठी जनतेने संमेलनाला पाठ नाही फिरवली "

" मानपान न बघत त्यांनी … खूप छान प्रतिसाद दिला … घुमान पेक्ष्या हि जास्त … काय ती अफाट गर्दी होती संमेलनात … पुस्तकांची विक्री ही चांगली झाली . प्रकाशकांना नक्कीच आवडलं असेल . "

" हो रे दाद्या … त्यात मान्यवरांचे संवाद व मुलाखती प्रेरणा दाई ठरलं "

"विक्या …  फक्त राजकीय लोक सोडली तर एकंदरीत कार्यक्रम छान झाला …  "

" हो ते तर खर आहे … दाद्या…  ही शोकांतिका म्हणावी लागेल साहित्याची "

" म्हणजे माझ्या सारख्या नवोदित मंडळी जे साहित्य कडे करियर म्हणून पाहतायत … ते …हे असले दरोडेशाई राजकारण पाहिलं तर कोण येणार रे पुढे "

“ पत्रकार राजू परोळीकर सरांचं … फेसबुक अकौंट ही ब्लॉक केलं … अध्यक्षांच्या पिलानी "

"खर हाय विक्या … मुळात मला ही हाच प्रश्न पडतो … "

" आज साहित्य राजकारणात आहे की राजकीय  साहित्यात "

सचिन कृष्णा तळे ( पुणे )