तरुण भारता

लोक हो जरासा हळू वाद घाला
देश माझा वाटे कोहिनुर जगाला

इथे संस्कृती इथे शांतीचा पहारा
इथे एकतेचा संदेश प्रत्येकाला

खऱ्या लोकशाहीचा सोहळा इथे
देवा आधी मानतो आम्ही देशाला

पश्चिमेची भुरळ आता सोडा
सूर्य तेजाने फक्त येतो पूर्वेला

इथल्या वादळाला अन नभाला
अभिमान वाटावे स्वताचे स्वताला 

आले हजार लुटण्यास आम्हा
देशासमोर ना भ्यालो मरणाला

तरुण भारता उंच कर तुझ्या माना
कसली लाज खऱ्या इतिहासाला

 - सचिन तळे