पुन्हा..

पुन्हा मी स्वतःला फसवू कसा
पुन्हा मी स्वतःला हसवू कसा

पुन्हा तीच चर्चा देशात माझ्या
पुन्हा देश माझा सजवू कसा

पुन्हा त्याच निवडणूका येतात
पुन्हा त्या नेत्यांना तुडवू कसा

पुन्हा लोकशाहीचा खून होतो
पुन्हा तेच डोळे भिडवू कसा

पुन्हा शेतकरी कर्जात बुडतो
पुन्हा खबर हि रंगवू कसा

पुन्हा सीमेवर शहिदांच्या रांगा
पुन्हा आतंक हा दाखवू कसा

पुन्हा आझादी पुन्हा तीच गर्दी
पुन्हा झेंडा तो फडकवू कसा

पुन्हा देशाची गीते गाण्यास
पुन्हा ताेे वीर मागवू कसा

- सचिन तळे , 7709099646