लोकांच्या वस्तीमध्ये
उंच उंच इमारतीमध्ये
कुठेतरी कोपऱ्यामध्ये
सजलेली बाग दिसे
जिथे हिरवळ कुंचलेली
जिथे झाडी खुंटलेली
जिथे छोट्या कुंडीमध्ये
मोठी झाडे सजवलेली
तिला बाग म्हणावे का
तिला गार्डन म्हणावे का
निसर्गाला कैद केलेली
तिला खोली म्हणावी का
माणसाने माणसासाठी
कोणीतरी नावासाठी
स्वच्छ सुंदर क्षणासाठी
कल्पनेची कला ती
असली थोडी नकली
थोड्याच जागेमधीं
ती बाग रुसलेली
दिसते मला कैदी
तिच्या भोवती पिंजरा
सोबत मालकाचा पहारा
दिवसातून एकदाच
मिळे नळातील पाणी
तिच्यासाठी कैची असते
तिच्यासाठी उंची नसते
घरातल्या त्या बागेमध्ये
निसर्गाची मिठी नसते
सचिन कृष्णा तळे
No comments:
Post a Comment