आभाळा

आभाळा काय तुला सांगू
आभाळा काय तुला मागू

तुझ्या भेटीस माझी माती
तुझ्या साठी माझी शेती
आरे माझ्या घरादारासाठी
आभाळा तुला कुठं शोधू

उन्हाचा हा शाप आम्हाला
भूमीच्या त्या गाभाऱ्याला 
पाणी आटता गाव मोकळी
आभाळा वाट किती पाहू

माणसातून माणूस मेला
फासावर न करता गुन्हा
दुष्काळाचा करून सामना
आभाळा किती बळी देवू

तुझ्या स्पर्शाने हिरवे रान
तुझ्या गडगडाने चहू आनंद
सुखावेल जीव ओले होऊन
आभाळा तुला कसा विनवू

सचिन कृष्णा तळे