सख्या तू माझी पंढरी

येशील ना रे सख्या , त्या चांदण्यांच्या गावी
विसरून सारे विश्व , करण्या प्रेमाची वारी

तू विठ्ठल मी रुख्मिणी , मी राधा तू कृष्णाई
संसार होई चंद्रभागा , सख्या तू माझी पंढरी

तुझ्या नामाची भुरळ,  तुझ्या प्रेमाची पताका
मी पहिली पायरी , सख्या तुझ्या मंदिराची

तू नसताना हि असतो, तूच आसपास दिसतो 
तुझ्या भक्तीत हि मीरा, सख्या हरवून जाई

विरहाच्या काळोखातला, तू प्रकाश माझा
इतका छळू नकोस, माझी लागेल समाधी

सचिन कृष्णा तळे - पुणे - ७७०९०९९६४६