पहिली पायरी

माउली समान नारी असते 

मर्यादा तिची पायरी असते 

विसरू नका हे मित्रानो ! 

सृष्टी तिच्याच पदरी असते 

सुंदर देखणी लावण्यवती 

रूपाने तीच साजरी असते 

ताई.. आई आणि सखी.. 

नात्याची ती घागरी असते 

प्रेम राग आणिक माया 

अशी एक नगरी असते 

कष्टाची सुख दुःखांची 

नारी एक शायरी असते 

असते ती जेव्हा सोबत 

तेव्हा कुठे भाकरी असते 

घराला घरपण देणारी 

पहिली पायरी नारी असते 

सचिन कृष्णा तळे 

कात्रज पुणे