करू मतदान देशासाठी

 

नेत्यांची ती संपत्ती मोठी

नेत्यांनी कमावली कोटी

चार चाकी, अनेक बंगले

स्वप्ने मात्र नसतात छोटी

निवडणुकीचा काळ येता

पाच वर्षांनी घेतील भेटी

फिरतील मग गल्लो गल्ली

सोबत घेऊन चार टाळकी

विकासाच्या मारू थापा

देऊ थोडी वचने खोटी

निवडून येतो नेता तेव्हा

का रे होते मतांची माती

नेत्यांनीच मुले होतील नेते 

सामन्याची किंमत खोटी 

दंगली मध्ये तुम्ही आम्ही 

नेत्यांची फक्त असते पाटी 

नेत्यांच्या नावाने दिसतील 

घोट्याळ्यांची यादी मोठी 

पैश्यांचा हा सट्टेबाजार 

फिरतो नेत्यांच्याच भोवती 

थट्टा मांडली या नेत्यांनी 

देव देश अन धर्माची 

जातीत विभागून नेत्यांनी 

पोळी भाजली स्वतःची 

मतदारांनो घ्या काळजी

तुमची आमची समाजाची

नेते आहे सेवक आपले 

हीच आहे खरी लोकशाही

नको पैसा नको लालच

योग्य तीच निवड व्हावी

मतदानाने राज्य घडवू

करू मतदान देशासाठी 

 सचिन कृष्णा तळे