तरुण भारता

लोक हो जरासा हळू वाद घाला
देश माझा वाटे कोहिनुर जगाला

इथे संस्कृती इथे शांतीचा पहारा
इथे एकतेचा संदेश प्रत्येकाला

खऱ्या लोकशाहीचा सोहळा इथे
देवा आधी मानतो आम्ही देशाला

पश्चिमेची भुरळ आता सोडा
सूर्य तेजाने फक्त येतो पूर्वेला

इथल्या वादळाला अन नभाला
अभिमान वाटावे स्वताचे स्वताला 

आले हजार लुटण्यास आम्हा
देशासमोर ना भ्यालो मरणाला

तरुण भारता उंच कर तुझ्या माना
कसली लाज खऱ्या इतिहासाला

 - सचिन तळे 

पुन्हा..

पुन्हा मी स्वतःला फसवू कसा
पुन्हा मी स्वतःला हसवू कसा

पुन्हा तीच चर्चा देशात माझ्या
पुन्हा देश माझा सजवू कसा

पुन्हा त्याच निवडणूका येतात
पुन्हा त्या नेत्यांना तुडवू कसा

पुन्हा लोकशाहीचा खून होतो
पुन्हा तेच डोळे भिडवू कसा

पुन्हा शेतकरी कर्जात बुडतो
पुन्हा खबर हि रंगवू कसा

पुन्हा सीमेवर शहिदांच्या रांगा
पुन्हा आतंक हा दाखवू कसा

पुन्हा आझादी पुन्हा तीच गर्दी
पुन्हा झेंडा तो फडकवू कसा

पुन्हा देशाची गीते गाण्यास
पुन्हा ताेे वीर मागवू कसा

- सचिन तळे , 7709099646

आठवून झाले

झेंडे हजार रंगवून झाले
नेते पालखीत बसवून झाले

लोकशाहीचे स्वप्ने पाहताना
दिस गुलामीचे आठवून झाले

मोर्चे बंद आणिक भाषणे
शंभर वेळा ऐकून झाले

दाराआड त्या बंगल्यामध्ये
कार्यकर्त्याना फसवून झाले

सत्तेसाठी जगता जगता
सत्याला पार ठेचून झाले

स्वातंत्र दिस येता जवळी
ईमान स्वतःचे राखून झाले

अनेक जाती अन धर्मातुनी
असंख्य धागे विणून झाले

त्याच धाग्यातून एक तिरंगा
अभिमानाने फडकवून झाले

- सचिन कृष्णा तळे

राजकीय मैदानात

ह्या राजकीय मैदानात
पिसाळलेली माणस
झाटभर सत्तेसाठी
रक्ताचा साेहळा करत
भांडत बसतात...
त्यात ती माजलेली
विकलेली मिडीया ...
आणिक साेशल मिडीयावर
सांडलेली
बिघडलेली दूनिया ..
ईतिहासाच्या पानावर
चिखल फेकत
मजेत ताव मारत
मेल्यागत जगतात..
आणि
जिवंतपणी लाचारीने मरतात ..

#आहेतेआहे
#सचिन_तळे

आणिक तूझे हे रूप

हृदयाची भाषा मौनांची अक्षरे
स्पर्शाने फुलते प्रेमाचे अंतरे
स्वराने सजलेल्या
भिजलेल्या आवाजात
ओले चिंब मी आणिक तूझे हे रूप

त्या क्षणाची घेऊन ओंजळ
ओठांना फुटे सुखाची मोहर
नव्याने फुललेल्या
बहरलेल्या पानांत
ओले चिंब मी आणिक तूझे हे रूप

कागदावर लिहिलेल्या ओळी
गुलाबाची ती एक पाकळी
जपून ठेवलेल्या
छेडलेल्या आठवणीत
ओले चिंब मी आणिक तूझे हे रूप

शेवटच्या श्वासांसाठी शपथांची बोली
हवी सोबत तुझी हर एक जन्मी
तारुण्यात रुजलेल्या
लाजलेल्या वाटेत 
ओले चिंब मी आणिक तूझे हे रूप

सचिन कृष्णा तळे

पुन्हा प्रेमाच्या ...

पुन्हा प्रेमाच्या ...
वाहत्या प्रवाहात वाहत
कवितांचे गाव अन
शब्दांची पायवाट
शाेधत राहेल मी
ताेच कवी
प्रेमाचा..
पुन्हा
प्रेमाने

#सचिन_तळे